Кантрольная работа

 

Рыхтуемся да кантрольнай работы па беларускай мове, якую будзем піcаць 25 кастрычніка (аўторак).

Выканай прыкладныя заданнi.

1. Прачытайце і вызначце, дзе тэкст. Запішыце тэкст.

    Прыйшоў вясёлы май. Квітнеюць сады. Над кветкамі гудуць пчолы. У траве скачуць конікі. Пяюць чыжы. На лузе зацвілі дзьмухаўцы.

 

   У Зоі ёсць кот Васька. Красуецца кучаравая бярозка. Маша вельмі любіць чытаць казкі.

2. Закончы выказванне, выбраўшы правільны адказ. Запішы ў сшытак.

  Тэкст – разважанне – гэта …

·       тэкст, у якім расказваецца пра падзеі, якія адбываюцца паслядоўна.

·       тэкст, у якім падрабязна апісваецца адзін або некалькі прадметаў.

·       тэкст, у якім нешта тлумачаць, даказваюць або разважаюць аб прычынах падзей і з'яў.

3. Прачытайце сказы, вызначце іх парадак і запішыце,  каб атрымаўся тэкст.

    Зацвіла яблыня. Прыйшла вясна. Распусціліся пупышкі на дрэвах. Расла ў садзе яблыня. Бяруць пчолкі мёд з кветачак  і нясуць яго ў вулей. 

4. Прачытайце тэкст, яго план. Ці адпавядае паслядоўнасць пунктаў плана паслядоўнасці частак у тэксце? Запішыце выпраўлены план.

Барсук

   Каля вялікай сасны жыў у нары барсук. Цёплымі летнімі начамі ён вылазіў з нары на свежае паветра.

   Аднойчы барсуку вельмі захацелася мёду. Вылез ён з нары і пайшоў па лесе. Знайшоў барсук асінае гняздо, паласаваўся мёдам і зноў пайшоў спаць.

   Падыходзіла да барсуковай нары ліса. Раіла ліса барсуку пагуляць. Але барсук баяўся застацца без нары і не вылазіў.

План

1. Захацелася барсуку мёду.

2. Раіла ліса барсуку пагуляць.

3. Жыў у нары барсук.

5. Дапоўніце сказы аднароднымі членамі, запішыце сказы.

     У нашых рэках водзяцца шчупакі, -------, --------, -------.