Пазакласнае чытанне

Рыхтуемся да ўрока пазакласнага чытання, якi адбудзецца  1 лютага (пятнiца) .

Чытаем кнiгi на тэму "У дзiвосным свеце мастацтва" .

Прыкладны спiс твораў:

1. Тамара Бунта. «Урок музыкі».

2. Змітрок Бядуля. «Дудачка».

3. Анатоль Дзеружынскі. «Наш беларускі ручнік».

4. Максім Танк. «Казка пра музыку».

5. Уладзімір Карызна. «Іграй, жалейка, не змаўкай…».

6. Мікола Чарняўскі. «Цымбалы».

7. Уладзімір Ягоўдзік. «Слуцкія паясы».

Наш беларускі ручнік

Анатоль Дзеружынскі

З каласоў жытнѐвых ён сатканы, 

Наш ручнік, наш беларускі ўзор. 

Васільком, пралескай вышываны,

 Хвалямі блакітнымі азёр.

 Наш ручнік, як золата, свяціцца,

 Кветкамі вясновымі цвіце

I ў прасторных хатах, у святліцах 

На вяселлі радуе гасцей. 

Быццам веюць ветрыкам дубровы

 I прыемнай свежасцю сады,

 I пад лёгкі шолах ручніковы 

Песні, пацалункі маладых. 

Зіхаціць ручнік наш саматканы, 

Родны беларускі наш узор, 

 I глядзіш, глядзіш зачараваны –

На дзівосны, казачны ўбор.